2014 جىلعى 3 قاراشا, استانا قالاسى
وليمپيادالىق رەزەرۆتىڭ رەسپۋبليكالىق مامانداندىرىلعان مەكتەپ-ينتەرناتتار-كوللەدجدەرى جانە سپورتتاعى دارىندى بالالارعا ارنالعان وبلىستىق مەكتەپ-ينتەرناتتار قىزمەتىنىڭ قاعيدالارىن بەكىتۋ تۋرالى
«دەنە شىنىقتىرۋ جانە سپورت تۋرالى» 2014 جىلعى 3 شىلدەدەگى قازاقستان رەسپۋبليكاسىنىڭ زاڭىنىڭ 7-بابىنىڭ 48) تارماقشاسىنا سايكەس بۇيىرامىن:
1.قوسا بەرىلىپ وتىرعان وليمپيادالىق رەزەرۆتىڭ رەسپۋبليكالىق مامانداندىرىلعان مەكتەپ-ينتەرناتتار-كوللەدجدەرى جانە سپورتتاعى دارىندى بالالارعا ارنالعان وبلىستىق مەكتەپ-ينتەرناتتار قىزمەتىنىڭ قاعيدالارى بەكىتىلسىن.
2.قازاقستان رەسپۋبليكاسى مادەنيەت جانە سپورت مينيسترلىگىنىڭ سپورت جانە دەنە شىنىقتىرۋ ىستەرى كوميتەتى (ە.ب. قاناعاتوۆ) زاڭنامامەن بەلگىلەنگەن تارتىپتە:
1)قازاقستان رەسپۋبليكاسى ادىلەت مينيسترلىگىنە وسى بۇيرىقتى مەملەكەتتىك تىركەۋگە ۇسىنسىن;
2)وسى بۇيرىقتى قازاقستان رەسپۋبليكاسى ادىلەت مينيسترلىگىندە مەملەكەتتىك تىركەۋدەن وتكەننەن كەيىن مەرزىمدى باسپا باسىلىمدارىندا جانە «ادىلەت» اقپاراتتىق-قۇقىقتىق جۇيەسىندە رەسمي جاريالاۋدى قامتاماسىز ەتسىن.
3.وسى بۇيرىقتىڭ ورىندالۋىن باقىلاۋ قازاقستان رەسپۋبليكاسى مادەنيەت جانە سپورت ۆيتسە-ءمينيسترى ت.ق. ەسەنتاەۆقا جۇكتەلسىن.
4.وسى بۇيرىق العاشقى رەسمي جاريالانعان كۇنىنەن كەيىن كۇنتىزبەلىك ون كۇن وتكەن سوڭ قولدانىسقا ەنگىزىلەدى.
مينيستر ا.مۇحامەدي ۇلى.
«كەلىسىلدى»
قازاقستان رەسپۋبليكاسى
ءبىلىم جانە عىلىم ءمينيسترى
____________ ا. ءسارىنجىپوۆ
2014 جىلى 14 قاراشا
قازاقستان رەسپۋبليكاسى مادەنيەت جانە سپورت ءمينيسترىنىڭ
2014 جىلعى 3 قاراشاداعى № 69 بۇيرىعىمەن بەكىتىلگەن
وليمپيادالىق رەزەرۆتىڭ رەسپۋبليكالىق مامانداندىرىلعان مەكتەپ-ينتەرناتتار-كوللەدجدەرى جانە سپورتتاعى دارىندى بالالارعا ارنالعان وبلىستىق مەكتەپ-ينتەرناتتار قىزمەتىنىڭ قاعيدالارى
1. جالپى ەرەجەلەر
1.وسى وليمپيادالىق رەزەرۆتىڭ رەسپۋبليكالىق مامانداندىرىلعان مەكتەپ-ينتەرناتتار-كوللەدجدەرى جانە سپورتتاعى دارىندى بالالارعا ارنالعان وبلىستىق مەكتەپ-ينتەرناتتار قىزمەتىنىڭ قاعيدالارى (بۇدان ءارى – قاعيدا) مەنشىك نىسانىنا جانە ۆەدومستۆولىق باعىنىستىلىعىنا قاراماستان وليمپيادالىق رەزەرۆتىڭ رەسپۋبليكالىق مامانداندىرىلعان مەكتەپ-ينتەرناتتار-كوللەدجدەرى (بۇدان ءارى – وررمميك) جانە سپورتتاعى دارىندى بالالارعا ارنالعان وبلىستىق مەكتەپ-ينتەرناتتار (بۇدان ءارى – سدبومي) قىزمەتىنىڭ ءتارتىبىن ايقىندايدى.
2.قاعيدادا مىناداي ۇعىمدار قولدانىلادى:
1) وقۋشى – وررمميك جانە سدبومي-دە ءبىلىمدى الاتىن تۇلعا;
2) نورماتيۆتىك تالاپتار – ورىندالۋى ءتيىستى توپقا اۋىسۋ ءۇشىن نەگىزگى شارت بولىپ تابىلاتىن وقۋشىلاردىڭ سپورت تۇرلەرىنەن بەلگىلى ءبىر سپورتتىق جاتتىعۋلاردى ورىنداۋىن ەسەپكە الا وتىرىپ وقۋشىلارعا قويىلاتىن باقىلاۋ-اۋىستىرۋ تالاپتارى;
3)اۋىسپالى قۇرام – وقۋ-جاتتىعۋ جيىنى جانە جارىستار كەزىندە شاقىرىلاتىن, وررمميك جانە سدبومي شتاتىندا جۇمىس ىستەمەيتىن جاتتىقتىرۋشىلارمەن تۇراقتى تۇردە شۇعىلداناتىن سپورتشىلار.
3.وررمميك جانە سدبومي ءبىلىم بەرۋ مازمۇنى 2012 جىلعى 23 تامىزداعى № 1080 قازاقستان رەسپۋبليكاسى ۇكىمەتىنىڭ قاۋلىسىمەن بەكىتىلگەن مەملەكەتتىك جالپىعا مىندەتتى ءبىلىم بەرۋ ستاندارتتارىنا سايكەس ازىرلەنگەن جۇمىس باعدارلامالارى جانە وقۋ جوسپارلارىمەن ايقىندالادى.
نەگىزگى وقۋ جوسپارىنىڭ ۆارياتسيالىق بولىگىنىڭ قۇرامىنا كىرەتىن جانە وررمميك جانە سدبومي ەرەكشەلىگىن سيپاتتايتىن وقۋ جۇمىس جوسپارى جانە وقۋ پاندەرىنىڭ باعدارلامالارىن مەكتەپ دەربەس جۇزەگە اسىرادى.
4.وررمميك جانە سدبومي ماقساتتارى:
1) نەگىزگى ورتا, جالپى ورتا, كاسىپتىك جانە تەحنيكالىق ءبىلىمىنىڭ جالپى ءبىلىم بەرۋ باعدارلامالارىن ىسكە اسىرۋ;
2) قالالىق, وبلىستىق قۇراما كوماندالار ءۇشىن سپورت رەزەرۆىن دايىنداۋ, سونداي-اق, سپورت تۇرلەرى بويىنشا قازاقستان رەسپۋبليكاسى قۇراما كومانداسىنىڭ جاسوسپىرىمدەر, جاستار جانە نەگىزگى قۇرامىن دايىنداۋ.
5.وررمميك جانە سدبومي كورسەتىلگەن ماقساتتارىن جۇزەگە اسىرۋ ءۇشىن كەلەسى مىندەتتەردى اتقارادى:
1) وقۋشىنىڭ جەكە قابىلەتتەرىن جان-جاقتى دامىتۋ, سپورت تۇرلەرىمەن شۇعىلدانۋ ءۇشىن قولايلى جاعداي جاساۋ;
2) جىل بويى وقۋ-جاتتىعۋ ساباقتارىن تولىق كولەمدە ۇيىمداستىرۋ جانە وتكىزۋ;
3) قالالىق, وبلىستىق قۇراما كوماندالار ءۇشىن, قازاقستان رەسپۋبليكاسى قۇراما كوماندالارىنىڭ جاسوسپىرىمدەر, جاستار جانە نەگىزگى قۇرامى ءۇشىن سپورت رەزەرۆى – سپورتشىلاردى دايىنداۋ;
4) ۇلتتىق جانە جالپى ادامگەرشىلىك قۇندىلىق, عىلىم جانە تاجىريبە جەتىستىكتەرى نەگىزىندە جەكە تۇلعانىڭ قالىپتاستىرۋ, دامىتۋ جانە كاسىبي قالىپتاسۋىنا باعىتتالعان ساپالى ءبىلىم الۋىنا جاعداي جاساۋ;
5) وقۋشىلاردى كاسىبي باعدارلاۋ جۇمىسىمەن قامتاماسىز ەتۋ;
6) قوعامنىڭ جانە ەڭبەك نارقىنىڭ وزگەرمەلى قاجەتتىلىكتەرىنە كاسىبي ءبىلىمنىڭ ۋاقىتىلى بەيىمدەلۋىنە ىقپال ەتەتىن وقىتۋدىڭ جاڭا تەحنولوگيالارىن ەنگىزۋ جانە ءتيىمدى قولدانۋ;
7) وقۋشىلاردىڭ ءومىر ءسۇرۋى جانە تاماقتانۋىنا قولايلى جانە قاۋىپسىز جاعدايدى قامتاماسىز ەتۋ.
2. وقۋشىلار كونتينگەنتىن جيناقتاۋ ءتارتىبى
6.وررمميك سپورت تۇرلەرىنىڭ تىزبەسىن جانە وقۋشىلار كونتينگەنتىن سپورتتىق دارەجەلەرى مەن اتاقتارىنا سۇيەنە وتىرىپ, دەنە شىنىقتىرۋ جانە سپورت سالاسىنداعى ۋاكىلەتتى ورگاننىڭ (بۇدان ءارى – ۋاكىلەتتى ورگان) كەلىسۋى بويىنشا قۇراستىرىلادى.
سدبومي سپورت تۇرلەرىنىڭ تىزبەسىن جانە وقۋشىلار كونتينگەنتىن سپورتتىق دارەجەلەرى مەن اتاقتارىنا سۇيەنە وتىرىپ, دەنە شىنىقتىرۋ جانە سپورت سالاسىنداعى جەرگىلىكتى اتقارۋشى ورگاننىڭ (بۇدان ءارى – جەرگىلىكتى اتقارۋشى ورگان) كەلىسۋى بويىنشا قۇراستىرىلادى.
7.وررمميك كونتينگەنتى بالالار مەن جاسوسپىرىمدەر سپورت مەكتەپتەرىندە نەمەسە وبلىستىق سپورتتا دارىندى بالالارعا ارنالعان مەكتەپ-ينتەرناتتاردا الدىن الا دايىندىقتان وتكەن جانە تاڭداپ الىنعان سپورت ءتۇرى بويىنشا جالپى دەنە جانە ارنايى دەنە دايىندىعىنان ەمتيحان تاپسىرعان وقۋشىلاردان جيناقتالادى.
سدبومي كونتينگەنتى بالالار مەن جاسوسپىرىمدەر سپورت مەكتەبىندە الدىن الا دايىندىقتان وتكەن جانە تاڭداپ الىنعان سپورت ءتۇرى بويىنشا جالپى دەنە جانە ارنايى دەنە دايىندىعىنان ەمتيحان تاپسىرعان وقۋشىلاردان جيناقتالادى.
8.نەگىزگى جانە جالپى ورتا ءبىلىم بەرۋ باعدارلاماسى بويىنشا وقۋعا تۇسۋشىلەردى ساپالى ىرىكتەۋدى قامتاماسىز ەتۋ ماقساتىندا ءتيىستى قارجىلىق جىلعا بەكىتىلگەن بيۋدجەت شەڭبەرىندە وررمميك جانە سدبومي سپورتشىلاردىڭ اۋىسپالى قۇرامىمەن وقۋ-جاتتىعۋ جيىندارىن ۇيىمداستىرادى.
9.وررمميك جانە سدبومي-گە قابىلداۋ ءتارتىبى 2012 جىلعى 19 قاڭتارداعى № 127 قازاقستان رەسپۋبليكاسى ۇكىمەتىنىڭ قاۋلىسىمەن بەكىتىلگەن باستاۋىش, نەگىزگى ورتا جانە جالپى ورتا ءبىلىمنىڭ جالپى ءبىلىم بەرەتىن وقۋ باعدارلامالارىن ىسكە اسىراتىن ءبىلىم بەرۋ ۇيىمدارىنا وقۋعا قابىلداۋدىڭ ۇلگىلىك قاعيدالارىنىڭ 5-تاراۋىنا سايكەس جۇزەگە اسىرىلادى.
ەسكەرتۋ: قازاقستان رەسپۋبليكاسىنىڭ چەمپيوندارى, الەم, ازيا چەمپيوناتتارىنىڭ, وليمپيادا جانە ازيا ويىندارىنىڭ جۇلدەگەرلەرى وررمميك-كە اڭگىمەلەسۋ ناتيجەسى بويىنشا قابىلدانادى.
10.وقۋ سىنىپتارى قاعيدانىڭ قوسىمشاسىندا كورسەتىلگەن نورماتيۆتىك تالاپتارعا سايكەس جيناقتالادى.
11.جەرگىلىكتى اتقارۋشى ورگاننىڭ ۇسىنىسى بويىنشا وررمميك جانە سدبومي بەكىتىلگەن اۋماق شەڭبەرىندە, مەكتەپ جاسىنداعى بالالاردى دەربەس (اتى-ءجونى بويىنشا) ەسەپكە الۋدى جۇرگىزەدى.
12.وررمميك جانە سدبومي وقۋشىلارى كەلەسى نەگىزدەمەلەر بويىنشا وقۋدان شىعارىلادى:
1)زاڭدى وكىلدەردىڭ كەلىسكەن جاعدايدا ءوز ەركىمەن;
2)دەنساۋلىق جاعدايىنا بايلانىستى (مەديتسينالىق قورىتىندى نەگىزىندە);
3) باسقا وقۋ ورنىنا اۋىسۋىنا بايلانىستى;
4) اكادەميالىق ۇلگەرمەۋشىلىگى ءۇشىن;
5) وقۋ ءتارتىبىن, ىشكى ءتارتىپ ەرەجەلەرىن, سپورتتىق دايىندىق رەجيمىن بۇزعانى ءۇشىن;
6) سپورتتىق ناتيجەلەردىڭ تومەندەۋى جانە قاعيدانىڭ قوسىمشاسىندا بەلگىلەنگەن نورماتيۆتىك تالاپتاردى ورىنداماۋى سەبەبىنەن;
7) دۇنيەجۇزىلىك دوپينگكە قارسى اگەنتتىك تىيىم سالعان سۋبستانتسيالار جانە ادىستەردى قولدانعانى ءۇشىن.
3. وقۋ-تاربيە جانە وقۋ-جاتتىعۋ پروتسەستەرىن ۇيىمداستىرۋ ءتارتىبى
13.وررمميك جانە سدبومي-دە وقۋ باعدارلاماسىنا, سپورت تۇرلەرى بويىنشا جاتتىعۋ جانە جارىستىق داعدىلارعا سايكەس قاجەتتى ءبىلىم الۋعا باعىتتالعان وقۋ-تاربيە جانە وقۋ-جاتتىعۋ پروتسەستەرى جۇزەگە اسىرىلادى.
14.وررمميك جانە سدبومي-دەگى وقۋ-تاربيە جانە وقۋ-جاتتىعۋ پروتسەستەرىن جوسپارلاۋ وررمميك جانە سدبومي باسشىسىنىڭ وقۋ جىلىنا وقۋ-تاربيە جانە وقۋ-جاتتىعۋ پروتسەستەرى كەستەسىن جانە تەوريالىق جانە تاجىريبەلىك ساباقتار كەستەسىن بەكىتۋ ارقىلى جۇزەگە اسىرىلادى.
15.وقۋ-جاتتىعۋ پروتسەسىنىڭ نەگىزگى نىساندارى توپتىق وقۋ-جاتتىعۋ جانە تەوريالىق ساباقتار, جەكە جوسپار بويىنشا جۇمىس, مەديتسينالىق-قالپىنا كەلتىرۋ ءىس-شارالارى, وبلىستىق, رەسپۋبليكالىق جانە حالىقارالىق سپورتتىق
ءىس-شارالارعا, سپورتتىق جارىستارعا, ماتچتىق كەزدەسۋلەرگە, وقۋ-جاتتىعۋ جيىندارىنا قاتىسۋ, سپورتتىق ساۋىقتىرۋ لاگەرلەرىندە بولۋ, نۇسقاۋشىلىق جانە تورەشىلىك تاجىريبە بولىپ تابىلادى.
سپورت تۇرلەرى بويىنشا بولىمشەلەردە وقۋ-جاتتىعۋ ساباقتارى 52 وقۋ اپتاسىنا ەسەپتەلگەن وقۋ باعدارلامالارى جانە وقۋ جوسپارلارى بويىنشا جۇرگىزىلەدى.
16.وررمميك جانە سدبومي وقۋشىلاردى:
جاتاقحانامەن;
تاماقتانۋمەن;
سپورت فورمالارىمەن جانە ارنايى سپورت كيىم-كەشەكتەرىمەن;
سپورتتىق مۇكاممال جانە قۇرال-جابدىقتارمەن;
وقۋ ادەبيەتتەرىمەن;
ىسساپارعا جىبەرىلگەن كەزەڭدەگى ءىسساپار شىعىندارىن قامتاماسىز ەتەدى.
5. كادرلىق قامتاماسىز ەتۋ ءتارتىبى
17.وررمميك جانە سدبومي-دە قىزمەتكەرلەردى جيناقتاۋ ءتارتىبى ونىڭ جارعىسىمەن جانە 2008 جىلعى 30 قاڭتارداعى № 77 قازاقستان رەسپۋبليكاسى ۇكىمەتىنىڭ قاۋلىسىمەن بەكىتىلگەن مەملەكەتتىك ءبىلىم بەرۋ ۇيىمدارى قىزمەتكەرلەرىنىڭ ۇلگى شتاتتارىمەن بەلگىلەنەدى.
18.ارنايى پەداگوگيكالىق نەمەسە ءتيىستى بەيىنى بويىنشا كاسىپتىك ءبىلىمى بار تۇلعالارعا پەداگوگيكالىق قىزمەتپەن شۇعىلدانۋعا رۇقسات ەتىلەدى.
ءبىلىم بەرۋ ۇيىمدارىندا جۇمىس ىستەۋگە پەداگوگيكالىق قىزمەتكە سوت ۇكىمى نەمەسە مەديتسينالىق قورىتىندىمەن تىيىم سالىنعان, سونداي-اق, بەلگىلەنگەن زاڭنامالىق تارتىپتە جازاسى وتەلمەگەن جانە سوتتالعاندىعى كەشىرىلمەگەن تۇلعالارعا رۇقسات ەتىلمەيدى.
19.وررمميك جانە سدبومي-دە ءبىلىم الۋشىلاردىڭ ۇلگەرىمىنە اعىمداعى باقىلاۋ, ارالىق جانە قورىتىندى مەملەكەتتىك اتتەستاتتاۋ جۇرگىزۋ 2008 جىلعى 18 ناۋرىزداعى № 125 قازاقستان رەسپۋبليكاسى ءبىلىم جانە عىلىم ءمينيسترىنىڭ بۇيرىعىمەن بەكىتىلگەن, № 5191 نورماتيۆتىك قۇقىقتىق اكتىلەردى مەملەكەتتىك تىركەۋ تىزىلىمىندە تىركەلگەن ءبىلىم الۋشىلاردىڭ ۇلگەرىمىن اعىمداعى باقىلاۋ, ارالىق جانە قورىتىندى مەملەكەتتىك اتتەستاتتاۋ جۇرگىزۋدىڭ ۇلگى ەرەجەسىنە سايكەس جۇزەگە اسىرىلادى.
20.وررمميك جانە سدبومي-دە وقۋشىلاردىڭ وقۋى مەن تاربيەسىنىڭ, وقىتۋشىلاردىڭ پەداگوگيكالىق شەبەرلىگىنىڭ ساپاسىن ارتتىرۋ جانە ادىستەمەلىك جۇمىستاردى جەتىلدىرۋ ماقساتىندا وقۋ-تاربيە جانە وقۋ-جاتتىعۋ پروتسەستەرىنە تىكەلەي قاتىساتىن پەداگوگيكالىق جانە باسقا قىزمەتكەرلەردى بىرىكتىرەتىن جانە باسقارۋدىڭ القالىق ورگانى بولىپ تابىلاتىن پەداگوگيكالىق كەڭەس قۇرىلادى.
21.وررمميك جانە سدبومي-دە وقۋ-تاربيە جانە وقۋ-جاتتىعۋ پروتسەستەرىنىڭ, وقۋشىلاردى دايىنداۋدى جەكە جوسپارلاۋ, سپورتتىق جارىستارعا قاتىسۋ ماسەلەلەرىن قاراستىراتىن, جاتتىعۋ پروتسەسى ادىستەمەسىن جەتىلدىرۋ, سوڭىنان تالقىلاناتىن جانە تاجىريبە الماساتىن اشىق جاتتىعۋ ساباقتارىن وتكىزۋ جونىندە وقىتۋشى-جاتتىقتىرۋشىلاردىڭ حابارلامالارى مەن باياندامالارى تىڭدالاتىن كونسۋلتاتيۆتىك-كەڭەستىك ورگان بولىپ تابىلاتىن جاتتىقتىرۋشىلار كەڭەسى قۇرىلادى.
22.وررمميك جانە سدبومي-دەگى ساباق كەستەسىن, ونىڭ باسشىسى نەمەسە ونى الماستىراتىن تۇلعا بەكىتەدى.
ساباق كەستەسىندە كۇندەلىكتى وقۋ ساباقتارىنىڭ سانى, ۇزاقتىعى جانە رەتتىلىگى كورسەتىلەدى.
وررمميك جانە سدبومي-دە ساباق كەستەسىندە وقۋشىلاردىڭ تاماقتانۋى جانە بەلسەندى دەمالۋى ءۇشىن ءۇزىلىس قاراستىرىلعان.
23.وررمميك جانە سدبومي-دە وقۋشىلارعا اكادەميالىق دەمالىس بەرۋ «ءبىلىم تۋرالى» 2007 جىلعى 27 شىلدەدەگى قازاقستان رەسپۋبليكاسىنىڭ زاڭىنىڭ 47-بابى 5) تارماقشاسىنا سايكەس جۇزەگە اسىرىلادى.
24.مەديتسينالىق قىزمەتكەر وقۋشىلاردىڭ دەنساۋلىعىن ساقتاۋ جانە نىعايتۋ, سانيتارلىق-گيگيەنالىق تالاپتاردى ساقتاۋ, الدىن الۋ ءىس-شارالارىن جۇرگىزۋدى قامتاماسىز ەتەدى, سونداي-اق, وقۋشىلاردىڭ تاۋلىك بويى تۇراتىنىن ەسكەرە وتىرىپ, گيگيەنالىق تۇرعىدان نەگىزدەلگەن جۇمىس ءتارتىبىن ۇيىمداستىرادى.
25.مەديتسينالىق قامتاماسىز ەتۋ, فۋنكتسيونالدى دياگنوستيكا جانە قالپىنا كەلتىرۋ ءىس-شارالارىن وتكىزۋ ءۇشىن وررمميك جانە سدبومي مەديتسينالىق بولىمشەمەن (كابينەتپەن), قاجەتتى عيماراتپەن جانە قۇرال-جابدىقپەن قامتاماسىز ەتىلەدى.
وليمپيادالىق رەزەرۆتىڭ رەسپۋبليكالىق مامانداندىرىلعان مەكتەپ-ينتەرناتتار-كوللەدجدەرى
جانە سپورتتاعى دارىندى بالالارعا ارنالعان وبلىستىق مەكتەپ-ينتەرناتتار قىزمەتىنىڭ قاعيدالارىنا قوسىمشا
وليمپيادالىق رەزەرۆتىڭ رەسپۋبليكالىق مامانداندىرىلعان مەكتەپ-ينتەرناتتار-كوللەدجدەرىنىڭ جانە سپورتتاعى دارىندى بالالارعا ارنالعان وبلىستىق مەكتەپ-ينتەرناتتارىنىڭ سىنىپتارىن جيناقتاۋ ءۇشىن سپورتتىق دايىندىق بويىنشا نورماتيۆتىك تالاپتار
سپورت تۇرلەرى ق/ج سىنىپتار
5 6 7 8 9 10 11
بادمينتون ق/ج - - 3 رازرياد 2 رازرياد 1 رازرياد ءسشۇ سش
بوكس ق/ج - - 1 جاسوسپىرىمدەر رازريادى 2 رازرياد 1 رازرياد 1 رازرياد ءسشۇ
ەركىن, ايەلدەر جانە گرەك-ريم كۇرەسى ج/ق - - 1 جاسوسپىرىمدەر رازريادى 2 رازرياد 2 رازرياد 1 رازرياد 1 رازرياد
دزيۋدو ج/ق - - 1 جاسوسپىرىمدەر رازريادى 2 رازرياد 1 رازرياد 1 رازرياد ءسشۇ
ۆەلوسيپەد سپورتى
(شوسسە, ترەك) ج - - 2 رازرياد 2 رازرياد 1 رازرياد ءسشۇ ءسشۇ
ق - - 1 جاسوسپىرىمدەر رازريادى 2 رازرياد 2 رازرياد 1 رازرياد ءسشۇ
سپورتتىق گيمناستيكا ق 2 رازرياد 1 رازرياد ءسشۇ ءسشۇ سش سش حدسش
ج 3 رازرياد 2 رازرياد 1 رازرياد ءسشۇ ءسشۇ سش سش
كوركەم گيمناستيكا ق 2 رازرياد 1 رازرياد ءسشۇ ءسشۇ ءسشۇ/سش ءسشۇ ءسشۇ
اكادەميالىق ەسۋ ق/ج - - 1 جاسوسپىرىمدەر رازريادى 2 رازرياد 1 رازرياد 1 رازرياد ءسشۇ
بايداركا مەن كانوەدە ەسۋ ق/ج - - 1 جاسوسپىرىمدەر رازريادى 2 رازرياد 1 رازرياد 1 رازرياد ءسشۇ
باسكەتبول, ۆولەيبول, گاندبول,
فۋتبول ق/ج - - 2 جاسوسپىرىمدەر رازريادى 2 جاس-ءوسپىرىم-دەر رازريادى 1 جاس-ءوسپىرىم-دەر رازريادى 2 رازرياد 1 رازرياد
سۋ دوبى ق/ج - - 1 جاسوسپىرىمدەر رازريادى 2 رازرياد 1 رازرياد 1 رازرياد ءسشۇ
جەڭىل اتلەتيكا ق/ج - - 1 جاسوسپىرىمدەر رازريادى 3 رازرياد 2 رازرياد 2 رازرياد 2رازرياد
ۇستەل تەننيسى ق/ج - - 2 رازرياد 2 رازرياد 1 رازرياد 1 رازرياد ءسشۇ
ءجۇزۋ ق 3 رازرياد 3 رازرياد 2 رازرياد 2 رازرياد 1 رازرياد 1 رازرياد ءسشۇ
ج 1 جاس-ءوسپىرىم-دەر
رازريادى 3 رازرياد 3 رازرياد 2 رازرياد 2 رازرياد 1 رازرياد ءسشۇ
سۋعا سەكىرۋ ق/ج 3 رازرياد 2 رازرياد 1 رازرياد 1 رازرياد ءسشۇ ءسشۇ سش
باتۋتتا سەكىرۋ ق/ج - - 2 رازرياد 1 رازرياد ءسشۇ ءسشۇ سش
ۇيلەسىمدى ءجۇزۋ ق 3 رازرياد 2 رازرياد 2 رازرياد 1 رازرياد ءسشۇ ءسشۇ سش
قازىرگى بەسسايىس ق/ج - - 1 رازرياد قوس-سايىس بويىنشا,
2 رازرياد ءجۇزۋ بويىنشا 1 رازرياد ءۇشسايىس بويىنشا 1 رازرياد ءتورتسايىس بويىنشا 1 رازرياد قازىرگى بەسسايىس بويىنشا ءسشۇ قازىرگى بەسسايىس بويىنشا
نىسانا كوزدەۋ, ستەند اتۋ,
ساداق اتۋ ق/ج - - 2 رازرياد 1 رازرياد 1 ءرازرياد/سشۇ ءسشۇ ءسشۇ
تاەكۆوندو ق/ج - - 3 رازرياد 2 رازرياد 1 رازرياد 1 رازرياد ءسشۇ
تەننيس ق/ج - - 2 رازرياد 1 رازرياد 1 رازرياد ءسشۇ ءسشۇ
ترياتلون ق/ج - - 3 رازرياد ء(جۇزۋ, جۇگىرۋ) 2 رازرياد 1 رازرياد ءسشۇ ءسشۇ
اۋىر اتلەتيكا, سەمسەرلەسۋ ق/ج - - 1 جاسوسپىرىمدەر رازريادى 2 رازرياد 1 رازرياد ءسشۇ ءسشۇ
بياتلون ق/ج - - 1 جاس-وسپىرىمدەر رازريادى 2 رازرياد 1 رازرياد 1 رازرياد ءسشۇ
تاۋ شاڭعى سپورتى, شاڭعى قوسسايىسى ق/ج - - 1 جاسوسپىرىمدەر رازرياد 2 رازرياد 1 رازرياد 1 رازرياد ءسشۇ
كونكيمەن جۇگىرۋ سپورتى ق/ج - - 1 جاسوسپىرىمدەر رازريادى 2 رازرياد 1 رازرياد 1 رازرياد ءسشۇ
شاڭعى جارىسى سپورتى ق/ج - - 1 جاسوسپىرىمدەر رازريادى 2 رازرياد 1 رازرياد 1 رازرياد ءسشۇ
كەرلينگ ق/ج - - - 3 رازرياد 2 رازرياد 1 رازرياد ءسشۇ
ترامپليننەن شاڭعىمەن سەكىرۋ ق - 1 جاس-ءوسپىرىم-دەر رازريادى 3 رازرياد 2 رازرياد 1 رازرياد ءسشۇ ءسشۇ
شانا سپورتى ق/ج - - 3 رازرياد 2 رازرياد 1 رازرياد ءسشۇ ءسشۇ
سنوۋبورد ق/ج - - 3 رازرياد 2 رازرياد 1 رازرياد 1 رازرياد ءسشۇ
فريستايل ق/ج 1 جاس-ءوسپىرىم-دەر رازريادى 3 رازرياد 2 رازرياد 1 رازرياد 1 رازرياد ءسشۇ سش
ماڭەرلەپ سىرعاناۋ ق/ج 1 جاس-ءوسپىرىم-دەر رازريادى 3 رازرياد 1 رازرياد ءسشۇ ءسشۇ ءسشۇ ءسشۇ
شورت-ترەك ق/ج 2 جاس-ءوسپىرىم-دەر رازريادى 1 جاس-وسپىرىمدەر رازريادى 2 رازرياد 1 رازرياد 1 رازرياد ءسشۇ ءسشۇ
شايبالى حوككەي ق/ج - - 2 ءجاسوس-پىرىمدەر رازريادى 1 ءجاسوس-پىرىمدەر رازريادى 3 رازرياد 2 رازرياد 1 رازرياد
ەسكەرتۋ: اببرەۆياتۋرالاردىڭ تولىق جازىلۋى:
ق – قىزدار;
ج – جاسوسپىرىمدەر;
قر – قازاقستان رەسپۋبليكاسى;
ءسشۇ – قازاقستان رەسپۋبليكاسىنىڭ سپورت شەبەرىنە ۇمىتكەر;
سش – قازاقستان رەسپۋبليكاسىنىڭ سپورت شەبەرى;
حدسش – قازاقستان رەسپۋبليكاسىنىڭ حالىقارالىق دارەجەدەگى سپورت شەبەرى.
بۇيرىق قازاقستان رەسپۋبليكاسىنىڭ ادىلەت مينيسترلىگىندە 2014 جىلعى 9 جەلتوقسانداعى نورماتيۆتىك قۇقىقتىق كەسىمدەردى مەملەكەتتىك تىركەۋدىڭ تىزىلىمىنە №9947 بولىپ ەنگىزىلدى.